Kamina dunyosi

Юртимизда байрамлар кўп, худога шукр. Тинч юртга тўйлар ярашади-да. Лекин ҳар байрамни нишонлаётганимизда юрагимиз безиллаб қолган. Чунки Ўзбекистон Миллий телерадиоканали тизимидаги телеканаллар эфирни зерикарли қилиб юборишади.

Новвойхонага ишга келганимга тўрт ойдан ошди. Ҳозирча бозорга нон ташияпман. Тўрт ғилдиракли нон ташувчи транспортни эрталабдан кечгача судраб юраман. Тонгги соат бешларда уйғонаман, шу билан қош қорайгунча нон ташийман. Бошида қийин туюлди, кейинчалик ўрганиб кетдим. Ҳозир анча кўникиб қолганман. Лекин жуда чарчайман. Кечки овқатдан кейин донг қотаман. Эрталаб яна вақтли туриш керак…

Тошкент шаҳридан уй сотиб олиш учун пойтахтда доимий прописка талаб этилади. Маълум бир бандлар орқали рўйхатга ўтганлар учун эса уй олди-сотди қилиш ҳуқуқига эга, деган бир парча маълумотнома керак. Масалан, кимдир иккинчи (яқин қариндошлари орқали), бешинчи (никоҳ орқали) ва ўн биринчи (иш жойи орқали) бандлар билан пропискага кириб, шу ерда яшаётганига уч йил тўлгач, мол-мулк сотиб олиш ҳуқуқига эга бўлади. Нотариус фақатгина уй “олди-сотди”сига пропискага уч йил тўлганини исботловчи ана ўша маълумотномани сўрайди.